كيف تتعامل مع أشهر أكواد أعطال السيارات (DTCs) Diagnostic Trouble Codes
في سيارات اليوم (الحديثة)، ما عاد كشف العطل يعتمد بس على أذن الميكانيكي أو إحساسك بصوت المكينة. الحين صار عندنا نظام تشخيص إلكتروني اسمه OBD-II، يعطيك كود العطل بدقة، ويسهّل على السائق أو الفني يعرف وين المشكلة.
هذا النظام عبارة عن كود مكوّن من حرف + أرقام.
الحرف يحدد النظام المتأثر (مثل المكينة أو غيره)، والأرقام بعدها تحدد العطل بالتفصيل.
ومع إن الأكواد كثيرة، إلا فيه مجموعة منها تتكرر كثير مع أصحاب السيارات، وهذي أشهرها وأسبابها.
أشهر الأكواد ومعانيها
🔹 P0128 – حرارة المحرك منخفضة (الثرموستات)
غالباً بسبب ترموستات عالق أو خربان، يخلي حرارة التشغيل أقل من الطبيعي.
🔹 P0171 / P0174 – خليط وقود/هواء ضعيف (Lean)
السبب ممكن يكون حساس الهواء (MAF) أو تهريب هوا.
🔹 P0300 – إشعال خشن وعشوائي
عادة من البواجي أو أسلاكها أو الكويلات.
🔹 P0401 – تدفق EGR ضعيف
انسداد أو مشكلة في صمام إعادة تدوير غاز العادم.
🔹 P0420 – كفاءة المحفّز (Catalytic Converter) ضعيفة
غالباً سببه استهلاك أو تلف المحفّز.
🔹 P0440 / P0442 – تسريب في نظام التبخر (EVAP)
ممكن يكون غطاء التانكي مرتخي أو تهريب في الخراطيم.
كيف تفسر الأكواد؟
- الكود اللي يبدأ بـ P0xxx يعني مشكلة في نظام الدفع (المكينة/القير).
- فيه تصنيفات فرعية حسب رقم الكود، مثلاً:
- P0100–P0199: حساس الهواء/الوقود.
- P0200–P0299: مشاكل حقن الوقود.
- P0300–P0399: مشاكل الإشعال.
- P0400–P0499: أنظمة الانبعاثات.
- P0500–P0599: التحكم بالسرعة.
- P0600–P0699: كمبيوتر السيارة.
- P0700–P0899: القير.
نصائح للتعامل مع الكود
- لا تتجاهل الكود، خصوصاً إذا كان متعلق بالمكينة أو القير.
- ابحث عن الكود في الإنترنت مع نوع سيارتك.
- افحص القطع المرتبطة بالعطل.
- بعد الإصلاح، امسح الكود وتأكد إنه ما رجع.
ملاحظة: هذي الأكواد هي الأكثر شيوعًا، لكن فيه مئات الأكواد الثانية ، دايم افحص الكود مع موديل سيارتك عشان توصل للتشخيص الأدق لأن فهمك للأكواد يخليك تعرف وين تبدأ التصليح وتوفّر وقت وفلوس. ومع شوي خبرة، بتصير تعرف تربط بين العطل وأسبابه بسرعة.