الأخطاء اللي تدمّر الدركسون بدون ما نحس — وكيف نحميه
نظام التوجيه (الدركسون) من أهم الأنظمة في السيارة، وتعتمد عليه في كل مشوار… داخل المدينة أو في سفر. ومع إن أغلب الناس يهتمون بالمكينة والقير، إلا إن الدركسون غالبًا ما ياخذ حقه من الاهتمام، والنتيجة؟
أصوات غريبة… ثقل… تآكل… وفاتورة إصلاح تحرق الجيب.
و أغلب الأخطاء اللي تخرب الدركسون تصير بدون ما ندري. عشان كذا، لازم نعرفها ونتفاداها قبل تكبر المشكلة.
1. لف الدركسون وانت واقف أو على آخره
من أكثر الأخطاء شيوعًا إن السائق يلف الدركسون لأقصى حد وهو واقف أو يتحرك ببطء، خصوصًا وقت المواقف. هذي الحركة تضغط بقوة على الدوده والطرمبة، ومع الوقت تستهلك التروس او الصُوَف وتسبب مشاكل مكلفة.
النصيحة:
خففّ لفّة الدركسون وانت واقف، ولا تلفه “لآخر شي” إلا للضرورة.
2. إهمال فحص سائل التوجيه
سائل التوجيه له دور كبير في حماية المكونات الداخلية. إذا تأخرت في تغييره، يتوسخ ويتجمع فيه ترسبات، ويسبب تلف للصُوَف وتسريبات.
النصيحة:
افحص السائل مثل ما تفحص زيت المكينة، وغيّره على حسب توصيات سيارتك.
3. تسريب من الخراطيم أو الأختام
الخراطيم والاهواز مع الوقت تتشقّق أو ترتخي، ولو فيه تهريب بسيط السائل ينقص، وهذا يرفع الحمل على النظام كامل.
النصيحة:
إذا لاحظت بقعة تحت السيارة، شيّك مباشرة ولا تهمل التسريب.
4. تلف غطا الدوده(Boots)
الأغلفة المطاطية حول الدوده تحميها من الرمل والمويه. إذا هرّبت أو انشقّت، الأوساخ تدخل وتبدأ رحلة التآكل.
النصيحة:
شيّكها بشكل دوري، وبدّلها لو فيها أي قطع أو تهريب.
5. القيادة على شوارع سيئة ومطبّات قوية
الحفر والمطبات تضغط على نظام التوجيه بقوة، وتسرّع تآكل التروس الداخلية.
النصيحة:
إذا الطريق سيئ، هدّ السرعة وتجنّب اللفات القوية.
6. إهمال صيانة أذرعة الدركسون (Tie Rods) والركب
ارتخاء اي جزء مرتبط بالدركسون، جِلَد أو رُكَب يسبب لعب وفضاوه في الدركسون، ويضغط على الطرمبه مع الوقت. وحتى الشد الزايد بالورشة ممكن يخرب النظام.
النصيحة:
تأكد دائمًا إن الشغل على التوجيه يكون مضبوط وبعزم (Torque) صحيح.
7. تجاهل مشاكل التوجيه الكهربائي (EPS)
في السيارات الحديثة، العطل مو بس ميكانيكي — ممكن يكون من وحدة التحكم أو دنمو التوجيه، وهذا يخرب التروس الداخلية إذا استمر العطل.
النصيحة:
أي لمبة تحذير تخص التوجيه… لا تتهاون فيها.
8. الحرارة العالية والحمل الثقيل
الحرارة — خصوصًا عندنا بالخليج — تخفف جودة الزيت وتقصّر عمر الصُوَف. ومع الحمولة، الضغط يزيد على النظام.
النصيحة:
إذا تستخدم السيارة في ظروف صعبة، كثّف فحصك لنظام التوجيه.
الخلاصة
الدركسون جزء أساسي من أمانك بعد الله، وإهماله يجيب مشاكل كبيرة. عشان تحافظ عليه:
- افحص سائل التوجيه بشكل منتظم
- تأكد من سلامة الليات ورؤوسه والاغطيه
- لا تلفّه لأقصى حد بدون سبب
- شيّك أغطية الدودة
- راقب أجزاء التوجيه
- لا تهمل التحذيرات الكهربائية
- خفف القيادة في الطرق الرديئة
الحل النهائي لحماية الدركسون — سيرامايزر
بعد كل هالكلام، نجي للسؤال المهم:
كيف أحمي الدركسون فعليًا وأطوّل عمره بدون تعب؟
الإجابة: سيرامايزر للدركسون.
ليش؟ لأنه:
- يقلل الاحتكاك والحرارة داخل النظام
- يحمي التروس والمضخة والدودة من التآكل
- يقلل الرجّة والصوت
- يعطي سلاسة واضحة بالدركسون
- مناسب جدًا لحرارة الخليج والاستخدام اليومي
باختصار… سيرامايزر يحميك قبل ما تدفع مبالغ كبيرة على الإصلاح.