طريقة استخدام سيرامايزر بسيط مرة وما تحتاج منك أي تعقيد، كل اللي عليك تسويه إنك تفرغ الجرعة في نفس مكان تعبئة الزيت، سواء كان منتج المحرك، القير، أو الدركسون، كل واحد له نفس الطريقة، المنتج يناسب كل أنواع المحركات: ديزل، بنزين، هايبرد، وحتى الغاز.
إذا بتستخدم منتج سيرامايزر CS للمحركات أو CB / CBAT للقير أو CK للدركسون:
- أول شيء، تفك غطاء الزيت وتصب الجرعة بعد تغيير الزيت مباشرة.
- بعد ما تمشي مسافة 1500 كيلو تعتبر العمليه اكتملت (راح تشوف النتايج قبل هالمسافه).
إذا عندك أكثر من جرعه وكنت تغيّر الزيت كل 5000 كيلو تضيف الجرعة الأولى مع تغيير الزيت الجديد، والجرعة الثانية بعد 1500 كيلو، واذا فيه جرعه ثالثة تكون مع تغييرك للزيت المره الثانيه ، اما اذا كنت تغيّر الزيت كل 10,000 كيلو، تضيف الجرعات بفواصل 1500 كيلو لين تخلص الكمية.
مع كل منتج يجيك ورقة فيها شرح مفصل يوضح الطريقة خطوة بخطوة، يعني لاتشيل هم!
إذا بتستخدم منتج سيرامايزر CB للدفرنسات والعكوس:
- أول شيء تحتاج ترفع السياره او تكون بحفرة بنشر .
- تفك غطاء الزيت سواءا للقير او الدفرنس وتصب الجرعة الأولى في مكان الزيت مباشرة (من مكان تعبئة الزيت).
- بعد ما تمشي مسافة 1500 كيلو تكتمل عملية التغليف السيراميكي.
- اذا عندك اكثر من جرعه تقدر تضيفهم كل 100 كيلو ، يعني الفواصل بين كل جرعه وجرعه هي 100 كيلو
الزيت مايحتاج تغيير اذا كان سليم ، ومع كل منتج يجيك ورقة فيها شرح مفصل يوضح الطريقة خطوة بخطوة.
أما إذا بتستخدم منتج سيرامايزر CP/CP2 للوقود (بنزين - ديزل):
- أول شيء تضيف الجرعة مع 35 لتر وقود (سواءا بنزين او ديزل) السيارة .
- تمشى لين يخلص الوقود لين تولع اللمبه (على وشك الانتهاء) .
- بعدها تعبي تانكي الوقود كامل بدون إضافة أي جرعات.
- اذا عندك اكثر من جرعه تطبق نفس الطريقه بالجرعه الاولى أو تضيف جرعتين مع 70 لتر وقود (سواءا بنزين او ديزل)
- وكذا بنفس الطريقة في باقي الجرعات تعبي الجرعة على نصف التانكي وبعدها تفول بدون إضافة أي جرعات والمرة الي تليها تضيف الجرعة التالية مع 35 لتر وقود .
مع كل منتج يجيك ورقة فيها شرح مفصل يوضح الطريقة خطوة بخطوة!
الفكرة كلها سهلة ومريحة، ومصممة حتى تسويها بنفسك وتناسب كل أنواع المحركات.